Да Дня пажылых людзей

1 кастрычніка ў краіне адзначаецца Дзень пажылых людзей. Да гэтай даты на Пастаўшчыне прымеркаваны рад мерапрыемстваў.

У пятніцу, 30 верасня, перад пастаяльцамі аддзяленняў кругласутачнага знаходжання тэрытарыяльнага цэнтра сацыяльнага абслугоўвання насельніцтва ў Паставах і Лынтупах выступяць сама­дзейныя артысты. У гэты ж дзень у 11 гадзін у Лынтупскім аддзяленні дзённага знаходжання для грамадзян пажылога ўзросту пройдзе святочная канцэртная праграма “Как молоды мы были”.

У панядзелак, 3 кастрычніка, у раённым Доме культуры па вуліцы Станкевіча адбудзецца традыцыйная сустрэча з  прадстаўнікамі ўлады, у фае з 10.30 будзе працаваць выязная прыёмная — жадаючыя змогуць звярнуцца да ўрача агульнай практыкі, псіхолага, спецыяліста па пенсійных пытаннях, старшыні раённай арганізацыі Беларускага таварыства Чырвонага Крыжа. Завершыцца сустрэча канцэртам. Пачатак у 11 гадзін. Уваход свабодны.
У 14 гадзін у аддзяленні дзённага знаходжання для грамадзян пажылога ўзросту ТЦСАН па вуліцы Савецкай распачнецца святочная праграма “Дзень дабра і павагі”