Адрес: 211875, г.Поставы, пл.Ленина, д.25
Телефон приемной: 8 (02155) 4-10-45 (телефон/факс), 8 (02155) 2-66-07 c 8.00 до 17.00
Электронная почта райисполкома: kanz@rikpostavy.by
Режим работы: пн-пт с 8.00 до 17.00, обеденный перерыв с 13.00 до 14.00, выходные дни: сб, вс
Вышестоящий государственный орган
Храм Постав Поставы ночью Ночная набережная Дворец Тызенгауза Набережная
Храм Постав
Храм Постав
Поставы ночью
Ночная набережная
Дворец Тызенгауза
Набережная
Главная / Новости / Новости района
23 сентября 2020

Натуральныя прадукты – чарговая гандлёвая кропка ААТ «Навасёлкі-Лучай»

Магазін адкрыўся ў райцэнтры па вуліцы Ленінскай, у мікрараёне будаўнікоў. Раней памяшканне, дзе ён размясціўся, арандаваў індывідуальны прадпрымальнік. А калі закрыў сваю справу, ААТ «Навасёлкі-Лучай» выкупіла гандлёвы павільён, пераабсталявала яго на свой густ, завезла тавар, і ў мінулую пятніцу адбылося адкрыццё фірменнага магазіна.

Па традыцыі спачатку прапанавалі прадэгуставаць прадукцыю: салёнае сала, гарачыя каўбасы. Частавалі таксама цукеркамі, пячэннем, шампанскім.

— Якая смаката! — ацэньвалі жанчыны сала. — А каўбаса — пальчыкі абліжаш!

— Каштуйце, каштуйце, — запрашалі пакупнікоў намеснік дырэктара па ідэалагічнай рабоце гаспадаркі Славамір Шапель і юрысконсульт Алёна Махніс.

— Гэта наш восьмы фірменны магазін, — расказваў Славамір Шапель. — Паспяхова працуюць такія гандлёвыя кропкі ў Навасёлках, Варапаеве, Відзах, Лынтупах, Паставах. Рэалізуем тое, што вырошчваем у гаспадарцы, — свініну, ялавічыну, мясныя вырабы з іх, паўфабрыкаты. Прадукцыя карыстаецца попытам.

А ў гэты час, хоць і маюць вопыт работы ў гандлі, хваляваліся за прылаўкам прадаўцы Аксана Мядзюха і Алеся Завіша.

— Столькі найменняў тавару! — гаварылі яны. — Трэба добра запомніць, дзе што выкладзена на вітрынах, якія цэны. І пры гэтым не забываць усміхацца, ветліва абслугоўваць наведвальнікаў.

Як толькі дзверы магазіна адчыніліся, людзі запоўнілі яго поўнасцю. Нехта браў толькі мясныя вырабы, нехта разам з імі набываў хлеб, малако. Некаторыя выходзілі з пустымі сумкамі, тлумачачы: «Асартымент вывучылі, падыдзем пазней, калі не будзе чаргі».

— Гэты магазін для нас — сапраўдны падарунак, — дзяліліся радасцю пакупнікі. — Прадукцыю, якую прапануе ААТ «Навасёлкі-Лучай», ацанілі даўно. Але, каб набыць яе, трэба было ­ехаць­ на рынак «Гарызонт» або ў 5 гарадок, дзе таксама працуюць гандлёвыя павільёны гаспадаркі. Цяпер навасёлкаўскія вырабы ў крокавай даступнасці. Тут шырокі асартымент і каўбасных вырабаў розных вытворцаў, бакалеі, марской рыбы.

— Але гэты тавар ёсць у кожным магазіне, — парыравалі іншыя і дадавалі: — А вось такога смачнага мяса няма нідзе, яно заўсёды свежае і высокай якасці. Навасёлкаўскае — самае натуральнае.

Анна Анішкевіч, газета «Пастаўскі край»

Интернет-ресурсы