Адрес: 211875, г.Поставы, пл.Ленина, д.25
Телефон приемной: 8 (02155) 4-10-45, 8 (02155) 4-12-45 c 8.00 до 17.00
Электронная почта райисполкома: postavisp@vitebsk.by
Режим работы: пн-пт с 8.00 до 17.00, обеденный перерыв с 13.00 до 14.00, выходные дни: сб, вс
Вышестоящий государственный орган
Дворец Тызенгауза Набережная Ночная набережная Поставы ночью Храм Постав
Дворец Тызенгауза
Дворец Тызенгауза
Набережная
Ночная набережная
Поставы ночью
Храм Постав
Главная / Новости / Новости района
11 апреля 2019

Паспяшалася вясна – рупяцца і хлебаробы

На мінулым тыдні на Пастаўшчыне прыступілі да яравой сяўбы. Першымі вывелі ў поле сеялкі хлебаробы сельгаспрадпрыемства «Дунілавічы-агра».

Пасяўная кампанія ў СП «Дунілавічы-агра» сёлета стартавала 28 сакавіка — на тыдзень раней, чым летась. Першымі ажывіліся сяргеевіцкія палі. Ва ўрочышчы Міхаліна амаль на 80 гектарах лёг у глебу авёс. Затым працавалі ля Каліт, праз тры дні пераехалі да Пятровіч. Пакуль задзейнічаны дзве сеялкі. З “Лемкенам” рупіцца Аляксандр Парневіч, з СЗУ-3,6 — Андрэй Галінскі. А вось яшчэ адзін вопытны сеяльшчык, Валерый Вайткевіч, пакуль толькі нервуецца: у яго трактары яшчэ восенню выйшаў са строю рухавік. Уласнымі сіламі ўхіліць паломку было немагчыма, а заплаціць маторарамонтнаму заводу доўгі час не мелі грошай. Напрыканцы зімы адвезлі рухавік у Віцебск. З дня на дзень павінны забраць. Як толькі запусціць трактар — падчэпіць шасціметровую сеялку і ўключыцца ў работу.

На падрыхтоўцы глебы стараюцца Андрэй Вайткевіч і Эдуард Рагіня.

— З кожным годам зямлі дабаўляецца, — расказваў галоўны аграном Уладзімір Балай. — Сёлета нам перада­дзены 200 гектараў з райаграсэрвісу. Іх трэба ўзараць і засеяць. Аб’ём работы немалы: яравыя культуры трэба пасеяць на 645 гектарах. Сваіх рабочых рук не хапае. Таму, згодна з рашэннем райвыканкама, на дапамогу прыйдуць механізатары з дунілавіцкіх лясніцтва і дома-інтэрната, УП ЖКГ.

З-за маласнежнай зімы і сухога надвор’я цяпер зямля хутка перасыхае, таму трактары з сеялкамі ідуць ледзь не ўслед за тымі, якія рыхтуюць глебу. Ля Пятровіч высявалі элітнае насенне ячменю «зубр», якое набылі ў ААТ «Хацілы-агра».

Тэкст і фота Анны Анiшкевіч, газета “Пастаўскі край”

Интернет-ресурсы