23 лютага — усенароднае свята моцных, мужных, цвёрдых духам людзей. Але ў першую чаргу гэта свята тых, хто ваенную справу, службу ва Узброеных Сілах выбраў сваёй прафесіяй, пастаянна шліфуе воінскае майстэрства, стварае і ўдасканальвае баявую тэхніку, выхоўвае ў маладых салдат пачуццё адданасці Радзіме.
Абарона Айчыны — галоўны абавязак, выкананне якога для кожнага — справа гонару. Аддаём даніну павагі і прызнання ўсім пакаленням абаронцаў, якія адстаялі свабоду роднай зямлі. Асаблівыя словы ўдзячнасці адрасуем ветэранам Вялікай Айчыннай вайны за подзвіг і мужнасць, праяўленую ў гады суровых выпрабаванняў. Упэўненыя, што маладое пакаленне, якое стаіць на варце рубяжоў краіны, годна прадоўжыць слаўныя традыцыі. Жадаем вам здароўя, шчасця і дабрабыту, поспехаў і новых здзяйсненняў.
Сяргей Чэпік, старшыня раённага выканаўчага камітэта
Пётр Курто, старшыня раённага Савета дэпутатаў
Паважаныя ветэраны Вялікай Айчыннай вайны і Узброеных Сіл, воіны-інтэрнацыяналісты, афіцэры, прапаршчыкі, сяржанты і салдаты!
Дзень абаронцаў Айчыны нясе ў сабе сімвалічнае адзінства мінулага і цяперашняга. Віншуем са святам усіх, хто прайшоў франтавымі дарогамі, адстаяў нашу свабоду і незалежнасць у войнах, быў прыкладам адданага служэння Радзіме ў пасляваенны перыяд, сваёй ратнай працай мацаваў баявую магутнасць краіны, з гонарам выконваў інтэрнацыянальны абавязак. Сёння верныя традыцыям старэйшых пакаленняў нашчадкі пераможцаў надзейна ахоўваюць родныя рубяжы, гарантуюць беларускаму народу права на шчаслівую будучыню.
Жадаю вам, вашым родным і блізкім шчасця, моцнага здароўя, мірнага неба над галавой, бадзёрасці і аптымізму, новых здзяйсненняў у службе і працы на карысць Айчыны.
Мікалай Кулік, ваенны камісар Пастаўскага раёна, падпалкоўнік