З 1 па 10 верасня ў Беларусі будзе праходзіць рэспубліканская акцыя «Адзіны дзень бяспекі». Яе мэта – знізіць да мінімуму гібель людзей ад знешніх прычын.
У нашым райцэнтры акцыя стартуе ў нядзелю, 1 верасня, на пляцоўцы каля кінатэатра «Радзіма». Тут размесцяцца тэматычныя пляцоўкі раённага аддзела па надзвычайных сітуацыях, выратавальнай станцыі таварыства выратавання на водах, райаддзела ўнутраных спраў. Работнікі культуры прапануюць увазе дзяцей і дарослых інтэрактыўныя гульні па правілах дарожнага руху і пажарнай бяспецы, віктарыну. Будзе працаваць выстава тэматычнай літаратуры. Час правядзення мерапрыемства — з 10 да 12 гадзін. Прыходзьце, будзе цікава!
Насычанай абяцае быць праграма і наступных дзён акцыі. У яе рамках па ўсёй краіне адбудуцца вучэнні па рэагаванні на надзвычайныя сітуацыі прыроднага і тэхнагеннага характару, тэматычныя мерапрыемствы, накіраваныя на павышэнне культуры бяспекі жыццядзейнасці насельніцтва. Пройдуць тэматычныя канцэрты, выставы, тэатралізаваныя прадстаўленні, інфармацыйныя гадзіны, гульнявыя праграмы. Запланаваны лекцыі і практыкумы, навучальныя гульні, квэсты, віктарыны, тэматычныя дні.
Упершыню такая рэспубліканская акцыя з прыцягненнем вялікай колькасці ведамстваў праходзіла сёлета з 20 лютага па 1 сакавіка.
Вераніка Філановіч, газета «Пастаўскі край»